Húsmæðraskólinn á Hverabökkum.

Árný Filippusdóttir, skólastýra.

Árný Filippusdóttir (1894-1977):

Árný Ingibjörg Filippusdóttir 20. mars 1894 - 2. mars 1977 Forstöðukona í Kvennaskólanum á Blönduósi, A-Hún. 1930. Heimili: Hellar á Landi. Forstöðukona kvennaskólans í Hveragerði. Síðast bús. í Hveragerðisbæ. Árný fór ung til Kaupmannahafnar að afla sér menntunar. Þegar hún kom heim til Íslands hóf hún kennslu, fyrst á Laugum í Reykjadal og síðar varð hún skólastjóri Kvennaskólans á Blönduósi. Liðlega fertug að aldri stofnaði hún Kvennaskólann á Hverabökkum og rak hann í rúm tuttugu ár. (https://www.mbl.is/greinasafn/grein/164168/, https://timarit.is/page/3296340)

Barst um hendur Margrétar Björgvinsdóttur (f. 1934), bróðurdóttur Árnýjar.

13. september 2002. Margrét Björgvinsdóttir (f. 1934) gaf safninu 12 bækur úr fórum Árnýjar Filippusdóttur, skólastýru Kvennaskólans á Hverabökkum, en Margrét er bróðurdóttir Árnýjar.  Bækurnar eru ræðubækur, minningabækur og fundagerðabækur námsmeyja frá árunum ca. 1940-1943, allar handskrifaðar, auk þess 1 kennslubók sem Árný hafði handskrifað.