Merki Kvennasögusafns

Skjalahirsla

Skjöl safnsins og heimildir um kvennasögu

Facebook

Fylgstu með Kvennasögusafni á facebook

Hvenær gerðist það?

Ártöl og áfangar í kvennasögu.

Kvennablöð og tímarit:

Framsókn - Kvennablaðið
Ársrit hins íslenzka kvennfjelags -
Freyja - Hlín - 19. júní - Nýtt kvennablað - Melkorka Vera - Forvitin rauð

Kosningaréttur kvenna


Þann 19. júní 1915 fengu íslenskar konur 40 ára og eldri langþráðan kosningarétt og kjörgengi til Alþingis. Baráttan hafði þá staðið yfir frá árinu 1885 en þá skrifaði Valdimar Ásmundsson grein um stjórnmálaréttindi kvenna í blað sitt Fjallkonuna og sömuleiðis Bríet Bjarnhéðinsdóttir, og Páll Briem hélt opinberan fyrirlestur um kosningarétt og önnur réttindi kvenna.

Árið 1894 var stofnað í Reykjavík Hið íslenska kvenfélag og hafði það jafnrétti kynjanna og þátttöku kvenna í opinberum málum á stefnuskrá sinni. Félagið safnaði 2000 undirskriftum með áskorun til Alþingis um að veita konum kosningarétt árið 1895. Þetta var fyrsta opinbera krafan um kosningarétt kvenna sem skipulögð samtök kvenna lögðu fram.

Sérkennilegur kosningaréttur 1915
Konur þurftu að vera orðnar 40 ára þegar þær fengu kosningarétt á Íslandi árið 1915. Þetta aldursákvæði var einsdæmi í heiminum og Bríet Bjarnhéðinsdóttir kallaði þetta „hinn nafnfræga, íslenska stjórnviskulega búhnykk“ í blaði sínu, Kvennablaðinu.
Kosningarétturinn..

Konur fagna kosningaréttinum 1915
Þegar tíðindin um að konungur hefði skrifað undir lögin um kosningarétt kvenna bárust með símanum til Íslands ákváðu Kvenréttindafélag Íslands og Hið íslenska kvenfélag að halda minningarhátíð og fengu með sér formenn flestra kvenfélaga í Reykjavík. Setja átti Alþingi þann 7. júlí og konurnar ákváðu að gera sér dagamun þann dag.
Hátíðahöldin á Austurvelli..

Haldið upp á kosningaréttinn 2005
Kvennasamtök minntust 90 ára afmælis kosningaréttarins með margvíslegum hætti.
Minningarathöfn í Hólavallakirkjugarði..
Baráttuhátíð á Þingvöllum..
Alþingi afhentur Kvennakraftur..

Alþjóðabaráttan
Íslenskar konur tóku þátt í alþjóðlegri baráttu fyrir kosningarétti kvenna.
Alþjóðabaráttan fyrir kosningarétti..
Konur á Nýja Sjálandi fengu kosningarétt árið 1893, fyrstar kvenna í heiminum.
Kosningaréttur í ýmsum löndum..