Regína Magdalena Benediktsdóttir Thoroddsen, 1887-1929.

Regína Magdalena var fædd 23. júní 1887 á Grenjaðarsað. Hún var dóttir hjónanna Ólafar Ástu Þórarinsdóttur húsfreyju og Benedikts Kristjánssonar prófasts. Regína stundaði nám við Lýðháskólann í Askov á Suður-Jótlandi veturinn 1913 og sendi þá bréfið til unnusta sínum, síðar eiginmanni, Guðmundar Thoroddsen (1887–1968) þegar hann var við framhaldsnám í handlæknis- og yfirsetufræðum í Kaupmannahöfn. Þau giftust 3. maí 1913 og eignuðust sjö börn. Regína lést af slysförum í Reykjavík 28. apríl 1929.

Bréfið er úr eigu elstu dóttur Regínu, Dóru Thoroddsen, sem bað dóttur sína, Ragnhildi Bragadóttur sagnfræðing og upplýsingafræðing, að afhenda Kvennasögusafni.

Úr afhendingabók „13. apríl 1999. Ragnhildur Bragadóttir bókasafnsfræðingur, afhenti Kvennasögusafni Íslands fyrir hönd móður sinnar, Dóru Thoroddsen, sendibréf frá árinu 1913. Bréfið er skrifað af Regínu Magdalenu Benediktsdóttur Thoroddsen til unnusta síns, Guðmundar Thoroddsen, læknis og prófessors. Regína og Guðmundur voru foreldrar Dóru Thoroddsen. Meðfylgjandi er greinargerð skrifuð af Ragnhildi Bragadóttur.“