Auður Hildur Hákonardóttir (f. 1938), skólastjóri, Rauðsokka og listakona

Auður Hildur Hákonardóttir fæddist árið 1938, hún stundaði nám við Menntaskólann í Reykjavík frá árunum 1953-1955 og fluttist til Bandaríkjanna árið 1956. Hún lagði stund á myndlistarnám við Myndlista- og handíðaskóla Íslands frá 1964-1968 og síðar Edinburgh College of Art frá 1968-1969. Hún lauk vefnaðarkennaraprófi árið 1979 og hefur hún starfað við myndvefnað síðan. Hún var kennari við Myndlistar- og handíðaskóla Íslands frá 1969-1980 og skólastjóri við skólann 1975-1978. Árið 1980 fluttist hún í sveitarfélagið Ölfus og var forstöðumaður Byggða- og listasafns Árnesinga til 1986-1993 og síðar í hálfu starfi frá 1997-2000. Hún starfaði í SÚM hópnum og tók þátt í samsýningum hérlendis og erlendis. Hún hefur starfað að ýmsum félagsmálum tengdum listgrein sinni sem og Rauðsokkahreyfingunni.

Heimild: skald.is

Hildur afhenti Kvennasögusafni skjölin til viðbótar við KSS 63 Rauðsokkahreyfingin en ákveðið var að láta afhendinguna á sérstakt safnmark, KSS 2019/16. Afhent þann 15. apríl 2019.

Hildur Hákonardóttir afhenti skjölin til viðbótar við safn Rauðsokkahreyfinguna. Sett á sérstakt safnmark.