Skjalasöfn einstaklinga

Margrét Sigurðardóttir Hermannson (1915–1994). KSS 166.


Lýsandi samantekt

  • Varðveislustaður:

    Landsbókasafn Íslands – Háskólabókasafn. Kvennasögusafn Íslands.

  • Safnmark:

    KSS 166

  • Titill:

    Margrét Sigurðardóttir Hermannson

  • Tímabil:

    1970-1988

  • Umfang:

    Ein askja

  • Tilvitnun:

    Landsbókasafn Íslands – Háskólabókasafn. Kvennasögusafn Íslands. KSS 166. Margrét Sigurðardóttir Hermannsson.

Samhengi

  • Nöfn skjalamyndara:

    Margrét Sigurðardóttir Hermannson (1915–1994)

  • Lífshlaup og æviatriði:

    Fæddist á Ísafirði 4. maí 1915 og lést í Helsingborg 23. maí 1994. Foreldrar hennar voru Sigurður Sigursson, sýslumaður Skagfirðinga og bæjarfógeti á Sauðárkróki, og kona hans Guðríður Stefanía Arnórsdóttir. Systkini hennar voru Sigurður listmálari, Stefanía Guðríður skrifstofumaður , Arnór verðlagseftirlitsmaður á Sauðárkróki, Stefán lögfræðingur, Hrólfur listmálari, Guðrún listmálari, Árni, sóknarprestur á Blönduósi, og Snorri skógfræðingur,

                Margrét fór til Danmerkur haustið 1939 og vann sem hjúkrunarkona á St. Hans-sjúkrahúsinu í Hróarskeldu. Hún fór til Svíþjóðar haustið 1940 og starfaði á sjúkrahúsinu í Gävle og háskólasjúkrahúsinu í Uppsölum. Margrét giftist 26. mars 1942 Olle Hermansson cand.jur. Voru þau gefin saman í ráðhúsinu í Uppsölum. Þau fluttust þá til Helsingborgar þar sem þau bjuggu upp frá því. Börn þeirra fjögur eru Nanna Stefanía, borgarminjavörður í Stokkhólmi, Gunnar, skipulagsarkitekt í Landskrona, Anders Snorri, starfsmannastjóri í Stokkhólmi, og Sigurður, hjúkrunarfræðingur í Stokkhólmi.

                 Margrét gegndi ýmsum trúnaðarstörfum á vegum Helsingborgar. Hún var borgarfulltrúi 1961-62 og 1967-82, fyrsti varaforseti borgarstjórnar 1980-1982, í skólanefnd 1956-73 og í hafnarstjórn 1974-82. Hún beitti sér innan borgarstjórnar Helsingborgar fyrir fjölmörgum líknar- og menningarmálum, var formaður í samtökunum „Umhyggja fyrir öldruðum“ og formaður Kvennadeildar Rauða krossins í Helsingborg. Fyrir störf sín í þágu borgarinnar hlaut Margrét gullheiðursmerki árið 1983. Hún var formaður í Félagi hægri kvenna/Íhaldsflokkskvenna 1964-76. Hún beitti sér innan flokksins fyrir hinu fyrsta raunverulega kvennaframboði í Svíþjóð árið 1973 og hlaut efsta konan á kvennalista flokksins þingsæti.

    Aska Margrétar var jarðsett í kirkjugarðinum á Sauðárkróki.

     

    Heimild: Morgunblaðið 23. júní 1994.

  • Varðveislusaga:

    Úr fórum fjölskyldu hennar.

  • Um afhendingu:

    2. september 1994. Olle Hermannsson, advokat i Helsingborg í Svíþjóð sendi dóttur sína Nönnu Hermannson með úrklippumöppu um konu sína Margréti Sigurðardóttir Hermannson fædd 4. maí 1915, dáin 23. maí 1994.

Innihald og uppbygging

  • Umfang og innihald:

    Ein askja með úrklippum sem er raðað á spjöld af afhendingaraðila, auk þess er upplýsingablað um Margréti.

  • Frágangur og skipulag:

    Safnið er skipulagt eins og það var afhent.

Um aðgengi og not

  • Um aðgengi og not:

    Aðgangur er öllum heimill

  • Skilyrði er stjórna endurgerð:

    Notendur eru bundnir af ákvæðum laga um höfundarétt og persónuvernd

  • Tungumál:

    Sænska

Tengt efni

Um lýsinguna

  • Athugasemdir skjalavarðar:

    Rakel Adolphsdóttir skráði á safnmark og tók saman lýsandi samantekt 2. febrúar 2021. Úrklippurnar höfðu áður verið skráðar með safni KSS 44 [líklega fyrir mistök].

  • Reglur eða aðferð:

    Skráningin byggir á ISAD(G) staðlinum

  • Dagsetning lýsingar:

    2. ferúar 2021


Skjalaskrá

askja 1

Æviágrip, skrifað af eiginmanni Margrétar

Úrklippur frá stjórnmála- og félagastarfi Margrétar í Helsingborg


Fyrst birt 03.02.2021

Til baka