Landsbókasafn Íslands – Háskólabókasafn. Kvennasögusafn Íslands.
KSS 109
Samband breiðfirskra kvenna
1933-1973
Ein askja
Landsbókasafn Íslands – Háskólabókasafn. Kvennasögusafn Íslands. KSS 109. Samband breiðfirskra kvenna.
Samband breiðfirskra kvenna (1933-), kvenfélag.
Stofnfundur Sambands breiðfirzkra kvenna var haldinn 19. júní 1933 á Hellissandi. Þar mættu fulltrúar frá fjórum kvenfélögum, Hellissandi, Breiðuvík, Eyrarsveit og Helgafellssveit. Kvenfélögin í Saurbæjarhreppi, Fellsströnd, Hvammssveit, Miðdölum og Staðarsveit óskuðu eftir aðild þótt þau gætu ekki sent fulltrúa. Í fyrstu stjórn sambandsins voru kosnar Ingveldur Á. Sigmundsdóttir formaður, Guðrún Eiríksdóttir gjaldkeri og Jóhanna Vigfúsdóttir ritari. Á stefnuskrá félagsins var að efla samvinnu um félagsmál kvenna, húsmæðrafræðslu, heimilisiðnað, garðrækt og taka þátt í velferðarmálum heimilanna. Sambandið lagði mikla rækt við heimilisiðnað, matreiðslu og garðrækt. Húsmæðraskólinn á Staðarfelli var sjö ára gamall þegar sambandið var stofnað og hlúði sambandið að honum eftir megni. Starfsvæðið var frá Barðastrandarsýslur frá Skor, Dalir, norðanvert Snæfellsnes, auk Breiðavíkur og Staðarsveitar. Síðar bættust við Kolbeinsstaðahreppur og Eyjahreppur. Árið 1965 skiptist sambandið í tvennt. Kvenfélög á Snæfellsnesi stofnuðu þá sérstakt samband.
Heimild
Ingibjörg Árnadóttir, Kristín B. Tómasdóttir og Þrúður Kristjánsdóttir. Samband Breiðfirzkra kvenna 40 ára. 1973.
Dalir.is
Gefið safninu 23. maí 1978, sbr. Gjafabók III. Þrúður Kristjánsdóttir, fyrrverandi formaður, afhenti Kvennasögusafninu.
Ein askja
Íslenska
Var áður í öskju 86. Rakel Adolphsdóttir skráði á safnmark KSS 109 í febrúar 2017 og skrifaði lýsandi samantekt 17. janúar 2019.
17. janúar 2019
Askja 1
Fyrst birt 28.05.2020