Skjalasöfn í stafrófsröð

Petrína K. Jakobsson (1910–1991). KSS 2021/25.


Lýsandi samantekt

  • Varðveislustaður:

    Kvennasögusafn Íslands

  • Safnmark:

    KSS 2021/25

  • Titill:

    Petrína K. Jakobsson

  • Tímabil:

    1935–1986

  • Umfang:

    Tvær öskjur

  • Tilvitnun:

    Landsbókasafn Íslands – Háskólabókasafn. Kvennasögusafn Íslands. KSS 2021/25. Petrína K. Jakobsson. Einkaskjalasafn.

Samhengi

  • Nöfn skjalamyndara:

    Petrína K. Jakobsson (1910–1991), teiknari og bæjarfulltrúi

  • Lífshlaup og æviatriði:

    Petrína K. Jakobsson var fædd 4. febrúar 1910 á Húsavík. Foreldrar hennar voru Jón Ármann Jakobsson (1866–1939) og Valgerður Pétursdóttir (1874–1962). Hún átti sex bræður: Sigurður, Ásgeir, Pétur Hálfdán, Jakob, Hallgrímur og Áki. Fjölskyldan fluttist til Reykjavíkur árið 1920. Petrína lauk gagnfræðiprófi frá Menntaskólanum við Reykjavík. Hún var við myndlistarnám í Reykjavík 1931–1935 og lærði í Handíða- og myndlistaskólanum 1939–1944. Þá var hún við nám í landmælingum, stærðfræði og kortagerð hjá Zóphaníasi Pálssyni árin 1946–1948, stundaði nám við lýsingatækni og lampagerð í Hollandi og í London um 1950 og stundaði nám í hýbýlafræðum í Kaupmannahöfn 1960–1962. Petrína starfaði hjá Rafmagnsveitu Reykjavíkur 1930–1944, stjórnaði teiknistofu raforkumálastjóra/Orkustofnunar 1944–1977. Hún sat í bæjarstjórn Reykjavíkur fyrir Sameiningarflokk alþýðu Sósíalistaflokkinn 1954–1958 og var í barnaverndarnefnd 1936–1948. Eiginmaður hennar var Jóhann Magnús Hallgrímsson (1911–1982) húsasmíðameistari. Hún lést 2. september 1991.

    Heimild: Morgunblaðið 5. september 1991 bls. 14 og Reykjavík Bæjar- og borgarfulltrúartal 1836-1986 (1986).

  • Varðveislusaga:

    Úr fórum Guðrúnar Hallgrímsdóttur (f. 1941), bróðurdóttur Petrínu.

  • Um afhendingu:

    Guðrún Hallgrímsdóttir (f. 1941) afhenti Kvennasögusafni þann 11. október 2021.

Innihald og uppbygging

  • Umfang og innihald:

    Fjögur vegabréf og sex bækur ásamt lausum blöðum sem innihalda aðallega teikningar og einstaka texta.

  • Viðbætur:

    Viðbóta gæti verið von, þá úr fórum annarra fjölskyldumeðlima en Guðrúnar.

  • Frágangur og skipulag:

    Raðað eftir efni og aldri en ekki í skjalaflokka.

Um aðgengi og not

  • Um aðgengi og not:

    Aðgangur er öllum heimill

  • Skilyrði er stjórna endurgerð:

    Notendur eru bundnir af ákvæðum laga um höfundarétt og persónuvernd

  • Tungumál:

    Íslenska

Tengt efni

  • Tengt efni:

    KSS 17. Kvenfélag sósíalista. Einkaskjalasafn.

    KSS 104. Kvennaheimlið Hallveigarstaðir. Einkaskjalasafn.

Um lýsinguna

  • Athugasemdir skjalavarðar:

    Rakel Adolphsdóttir skráði

  • Reglur eða aðferð:

    Skráningin byggir á ISAD(G) staðlinum

  • Dagsetning lýsingar:

    3. nóvember 2021


Skjalaskrá

askja 1

  • örk 1: Vegbréf: 1935, 1954, 1970, 1986
  • örk 2: Stílabók með textum [laus blöð í bókinni, án ártals]
  • örk 3: Dagbók [án ártals]

askja 2

  • örk 4: Laus blöð með teikningum
  • örk 5: Bók með teikningum [án ártals]
  • örk 6: Bók með teikningum [án ártals]
  • örk 7: Bók með teikningum [án ártals]
  • örk 8: Bók með teikningum [laus blöð í bókinni, án ártals]

Fyrst birt 03.11.2021

Til baka