Þorbjörg Dýrleif Árnadóttir (1898–1984), hjúkrunarfræðingur.

8. 8.2. 1898 á Skútustöðum, d. 7.5. 1984

For.: Auður Gísladóttir og sr. Árni Jónsson

Lauk prófi frá Verslunarskólanum 1916 og vann síðan á pósthúsinu í Reykjavík. Hóf nám við Bispebjerg-spítala í Kaupmannahöfn 1919 og lauk þaðan prófi 1923. Stundaði síðan hjúkrunarstörf í Reykjavík en hélt til Seattle 1925 og stundaði þar nám og störf. Þorbjörg var skipuð yfirhjúkrunarkona Vífilstaðaspítala 1929 en frá 1931 stundaði hún hjúkrun í Reykjavík og Osló til 1937 að hún hélt aftur til Seattle. Þar lauk hún magistersprófi í heilsuvernd 1945. Hún kom til Íslands 1946 og vann við kennslu og ritstörf eftir það.

Þorbjörg er höfundur bókanna Sveitin okkar (1949), Draumur dalastúlkunnar (1950), Leynigöngin (1955), Pílagrímsför og ferðaþættir (1959), Signý (1964), Öldurót (1969). Hún ritaði einnig fjölmargar greinar um hjúkrunarmál.

Sjá nánar Morgunblaðið 13. maí 1984, bls. 41

Upprunalega úr búi Gunnars Árnasonar, bróður Þorbjargar. Dóttir hans, Þóra, tók gögnin ásamt öðru en hún var búsett í Svíþjóð. Við lát Þóru sendi dóttir hennar gögnin til systur hennar, Hólmfríðar Gunnarsdóttur.

Afhent á skrifstofu Kvennasögusafns 16. september 2019 af Hólmfríði Gunnarsdóttur, sem áður hefur afhent gögn frá Þorbjörgu.