Í dag eru 110 ár frá því konur fengu kosningarétt til þingkosninga. Þann 19. júní 1915 undirritaði Kristján X. konungur lög um breytingu á stjórnarskrá Íslands sem m.a. færðu konum 40 ára og eldri kosningarétt til Alþingis.
Nánar um kosningarétt kvenna á heimasíðu okkar og þróun kosningaréttar almennt á Vísindavefnum.
—
Við sjáumst víðsvegar um bæinn í dag og kvöld, sjá nánar á heimasíðu Kvennaárs, en fulltrúi Kvennasögusafns á sæti í framkvæmdastjórn ársins.
Meðal fjölmargra viðburða eru:
- 16-16:30: Blómsveigur lagður að leiði Bríetar Bjarnhéðinsdóttur
- 16-17: Opnun Kvennafrídagurinn 24. október 1975
- 17-18:30: Kvöldganga Söguslóðir kvenna í Reykjavík
- 17-19: Fyrirpartý á Hallveigarstöðum og útgáfuhóf 19. júní blaðsins
- 19: KVENNAVAKA // Stórtónleikar Kvennaárs 2025 í Hljómskálagarðinum
- 20: Fimmtudagskvöld á Þingvöllum. Forseti Íslands Halla Tómasdóttir og Kraftur kvenna
—
„En hvaða ráð og hvaða meðul getum vjer konurnar notað, sem sjeu óbrigðul til þess : Svarið verður: Það er kosningarrjetturinn frá 19. júní 1915. Hann er eina vopnið sem dugir í allri framsókn.Með honum einum getum vjer komið umbótum á það, sem oss þykir aflaga fara, hvort sem það er í löggjöf og landsstjórn eða i bæja-, sveita- og hjeraðsmálum, eða í kirkju- og kenslumálum.Alstaðar er það bæði hin almennu, pólitísku rjettindi, og kosningarjettur og kjörgengi í öllum bæja-, sveita- og hjeraðsmálum, sem getur ráðið öllu, ef vjer að eins kunnum að nota hann með festu og samtökum.“
– Bríet Bjarnhéðinsdóttir í ræðu á frá svölum Alþingishússins þann 19. júní 1918
