Guðrún Hallgrímsdóttir (f. 1941), matvælaverkfræðingur og Rauðsokka. KSS 62.

Guðrún Hallgrímsdóttir er fædd í Reykjavík árið 1941, dóttir hjónanna Margrétar Árnadóttur (1908-2002) frá Látalæti í Landsveit og Hallgríms Jónasar Jónssonar Jakobssonar (1908-1976) frá Húsavík. Stúdentspróf frá MR 1961. Bauðst styrkur til háskólanáms í Austur-Þýskalandi og lauk prófi í matvælaverkfræði frá Humboldt-Universität í Berlín árið 1968. Stundaði að því búnu framhaldsnám í heilbrigðiseftirliti.

     Guðrún var forstöðumaður rannsóknarstofnunar búvörudeildar SÍS 1929-1977, þá iðnþróunarfulltrúi hjá Iðnþróunarstofnun SÞ í Vínarborg til 1979, var þá deildarstjóri í iðnaðarráðuneytinu, síðan forstöðumaður hjá Ríkismati sjávarafurða, þá sérfræðingur í sjávarútvegsráðuneytinu, verkefnisstjóri um gæðastjórnin í matvælaiðnaði og að lokum verkefnisstjóri á fræðsludeild Iðntæknistofnunar og vann þar 1996-2004.

     Guðrún vann einnig að stjórnmálum, var varaþingmaður og tók þá sæti á Alþingi Íslendinga um tíma. Kvenfrelsisbaráttan á sér öflugan fylgismann í Guðrúnu og umhverfishreyfingin hefur jafnframt notið krafta hennar
Heimild: „Baráttukonur segja frá“. Í Á rauðum sokkum. Baráttukonur segja frá. Ritstjóri Olga Guðrún Árnadóttir. Reykjavík 2011