Rannveig Þorsteinsdóttir (1904–1987), hæstaréttarlögmaður og þingkona. KSS 163.

Lýsandi samantekt

Varðveislustaður: Landsbókasafn Íslands – Háskólabókasafn. Kvennasögusafn Íslands.
Safnmark: KSS 163
Titill: Rannveig Þorsteinsdóttir
Tímabil: 1946–1974
Umfang: Ein askja
Tilvitnun: Landsbókasafn Íslands – Háskólabókasafn. Kvennasögusafn Íslands. KSS 163. Rannveig Þorsteinsdóttir. Skírteini.

Nöfn skjalamyndara: Rannveig Þorsteinsdóttir (1904–1987), hæstaréttarlögmaður og þingkona
Lífshlaup og æviatriði: Fædd á Sléttu í Mjóafirði 6. júlí 1904, dáin 18. janúar 1987. Foreldrar: Þorsteinn Sigurðsson (1870-1910) sjómaður þar og Ragnhildur Hansdóttir (1877-1967) húsmóðir. Lauk Samvinnuskólaprófi 1924, stúdentsprófi frá MR 1946, lögfræðiprófi HÍ 1949. Rannveig var fyrst íslenskra kvenna sem fékk rétt til þess að flytja mál fyrir Hæstarétti. Hún var kosin á þing fyrir Framsóknarflokkinn 1949. Rak málflutningsskrifstofu í Reykjavík 1949–1974. Dómari í verðlagsdómi Reykjavíkur 1950–1974. Sat í stjórn Kvenfélagasambands Íslands 1947–1963, formaður frá 1959. Formaður Félags íslenskra háskólakvenna og Kvenstúdentafélags Íslands 1949–1957.
Varðveislusaga: Óvíst. Kom frá Þjóðminjasafni Íslands til Kvennasögusafns Íslands.
Um afhendingu: Þann 16. júní 2016 bárust um hendur Þjóðminjasafns Íslands nokkur skírteini tilheyrandi Rannveigu Þorsteinsdóttur, hrl. og þingkonu (1904–1987): skírteini frá Université de Poitiers; prófskírteini frá Háskóla Íslands; prófskírteini frá Menntaskólanum í Reykjavík; hamingjuósk frá Félagi framsóknarkvenna í Reykjavík; leyfisbréf frá dómsmálaráðherra; fæðingarvottorð; heiðursfélagaskjal Félags framsóknarkvenna í Reykjavík.

Um aðgengi og not: Aðgangur er öllum heimill
Skilyrði er stjórna endurgerð: Notendur eru bundnir af ákvæðum laga um höfundarétt og persónuvernd
Tungumál: Íslenska og enska.

KSS 6. Kvenréttindafélag Íslands.

KSS 103. Kvenfélagasamband Íslands.

KSS 2018/10. Félag háskólakvenna.

askja 1