Áhugahópur um minnisvarða um Björgu C. Þorláksson (2000–2001). KSS 118.

Í tilefni af 75 árum frá því Björg lauk doktorsprófi, fyrst íslenskra kvenna, og 90 ára afmæli Háskóla Íslands lét áhugahópurinn gera bronsafsteypu af andlistmynd þeirri er Ásmundur Sveinsson myndhöggvari gerði í París árið 1928. Háskóli Íslands fann henni stað á lóð Odda, húsi félagsvísindadeildar og var hún afhjúpuð 17. júní 2001. Soffía Árnadóttir listakona hannaði stöpul um úr íslensku bergi undir brjóstmyndina.

Áhugahópinn um minnisvarða Bjargar C. Þorlaksson mynduðu: Áslaug Ottesen og Geirlaug Þorvaldsdóttir frá Félagi háskólakvenna, Björg Einarsdóttir og Kristín Þóra Harðardóttir frá Kvenréttindafélagi Íslands, Guðrún Karan frá Vísindafélagi Íslendinga og Jóna Hansen og Magnús Sigsteinsson úr röðum ættmenna Bjargar. Heimild: Auður Styrkársdóttir, „Hvers vegna gleymduð þið Björgu?“, Lesbók Morgunblaðsins, 17. nóvember 2001, bls. 6.