Bríet, félag ungra feminista (st. 1997). KSS 96.

Félagið stofnuðu nokkrar vinkonur haustið 1997 en formlegur stofnfundur var haldinn í húsnæði Kvennalistans við Austurvöll í janúar 1998. Stofnendur voru meðal annarra Hugrún R. Hjaltadóttir, Brynhildur Heiðar- og Ómarsdóttir, Fríða Rós Valdimarsdóttir, Kristbjörg Kristjánsdóttir og Guðrún Margrét Guðmundsdóttir.

„Bríet eru sjálfstæð, óflokksbundin félagasamtök sem starfa utan allra pólitískra hreyfinga. Meginmarkmið félagsins er að vekja konur til meðvitundar um stöðu sína í samfélaginu og undirstrika það að áunnum réttindum kvenna fylgir sú ábyrgð að nýta sér þau. Bríet vill einnig stuðla að hugarfarsbreytingu með því að vekja athygli á ójafnrétti kynjanna og fræða fólk um feminisma.“ (Af upplýsingablaði).