Anna Gunnarsdóttir (1906-1984)

Anna Gunnarsdóttir

Anna Gunnarsdóttir (1906-1984) fæddist hinn 26. júlí 1906 að Gíslakoti í Holtamannahreppi í Rangárvallasýslu. Foreldrar hennar voru Þuríður Einarsdóttir (1864-1930) og Gunnar Gunnarsson (1851-1908). Anna stundaði nám við Bændaskólann á Hvanneyri árin 1927-1929 og lauk prófi þaðan vorið 1929. Hún var fyrst kvenna til að stunda nám við Bændaskólann sem og ljúka prófi þaðan.

Þann 22. júlí 1928 synti hún þveran Borgarfjörð.

Anna Gunnarsdóttir giftist hinn 12. október 1939 Kristjáni Eiríkssyni (1906-1974).  Þau bjuggu á Borgum í Þistilfirði, Norður-Þingeyjarsýslu, árin 1940-1974 og eignuðust sex börn. Hún dó í Reykjavík þann 10. mars árið 1984.

Heimildir
Erla Hulda Halldórsdóttir og Guðrún Dís JónatansdóttirÁrtöl og áfangar í sögu íslenskra kvenna. Reykjavík, Kvennasögusafn Íslands, 1998
Íþróttablaðið, 11.-12. tölublað nóvember 1928, bls. 238-239
Morgunblaðið, 23. október 2005

*Kvennasögusafn Íslands er skjala- og upplýsingasafn um sögu kvenna. Við tökum við hvers kyns einkaskjölum; bréfum, dagbókum, fundargerðarbókum o.s.frv. Hafið samband til að afhenda slík skjöl.*