Netið - samskiptanet kvenna (st. 1986)

Eins og kemur fram í upplýsingum sem fylgdu afhendingu:

Ulla Magnússon og Vilborg Harðardóttir undirbjuggu stofnun NETsins. Á stofnfundinn mættu 48 konur sem þótti mikil þátttaka, segir það sína sögu um fjölda kvenna sem stýrði og stjórnaði fyrirtækjum landsins.

„Samtökin heita NETIÐ og eru fyrir konur sem vilja stuðla að áhrifum kvenna í atvinnulífinu og fyrir konur í rekstri og við stjórnunarstörf. Tilgangur samskiptanetsins er að opna vettvang fyrir konur í atvinnulífinu til að hittast og skiptast á skoðunum og gagnlegum upplýsingum, miðla af reynslu og styðja hver aðra. Samskiptanetið starfar annarsvegar sem heildarsamtök og skiptist hinsvegar í minni hópa eftir atvinnusviðum“

NETIÐ hefur starfað undir sömu merkjum óslitið frá upphafi. Fljótlega skiptust konur í tvo hópa. Stjórnendahóp og viðskiptahóp (konur í eigin rekstri). Mánaðarlegir fundir hópanna voru haldnir svo og sameiginlegir fundir með fyrirlesurum til að fræða og gleðja. Einnig voru vor- og haustferðir með fjölbreyttri dagskrá fræðslu og skemmtunar“.

Erla Bil Bjarnardóttir og Aðalheiður Héðins afhentu fyrir hönd samtakanna Samskiptanet kvenna fjölbreytt einkaskjalasafn félagsins.