Sigríður Guðmundsdóttir (1917-1997), húsmóðir og ritari

Sigríður Guðmundsdóttir fæddist í Reykjavík 16. september 1917. Hún lést á heimili sínu 6. desember 1997. Foreldrar hennar voru Nikólína Hildur Sigurðardóttir, húsmóðir, f. 8. nóv. 1885, d. 28. jan. 1965, og Guðmundur Helgi Guðnason, gullsmiður, f. 6. jan. 1884, d. 10. mars 1953. Bræður Sigríðar voru Bjarni, Gunnar, Kjartan og Guðni sem einn er eftirlifandi af systkinunum.

Sigríður giftist 16. sept. 1939 Halldóri Halldórssyni, prófessor, f. 13. júlí 1911.

Börn Sigríðar og Halldórs eru 1) Guðmundur Halldórsson, blaðamaður, f. 20. júní 1941. 2) Hildigunnur Halldórsdóttir, kennari, f. 9. maí 1943. 3) Elísabet Halldórsdóttir, bókasafnsfræðingur, 4) Halldór Halldórsson, fjölmiðlafræðingur, f. 1. júlí 1949,

Sigríður stundaði nám í Kvennaskólanum í Reykjavík. Hún vann við skrifstofustörf uns hún giftist og starfaði sem húsmóðir þar til hún hóf störf við Orðabók Háskólans 1968, þar sem hún vann um margra ára skeið.

Heimild: Morgunblaðið 13. desember 1997

Úr fórum dóttur Sigríðar, Hildigunnar Halldórsdóttur

Úr fórum Hildigunnar Halldórsdóttur (f. 1943) bárust sendibréf móður hennar, Sigríðar Guðmundsdóttir (1917-1997) ásamt handskrifuðum matreiðslubókum. Sendibréfin eru einkum skrifuð frá 1930-1960 frá vinkonum hennar, fjölskyldu sem og Friðnýju Ísaksdóttur vinnukonu á æskuheimili Hildigunnar.

Á sama tíma gaf Hildigunnur handritasafni skjöl föður síns, Halldórs Halldórssonar. Þar á meðal eru bréf móður Halldórs, Elísabetar Bjarnadóttur, til hans skrifuð eftir að hann var sendur á annað heimili sem barn í kjölfar þess að Elísabet varð ekkja. Lýsa bréfin mikilli sorg og trega við þennan viðskilnað samkvæmt gefanda.